Cuira, principalmain 1. mesadad dal 20avel tschientaner

72 albums plain cartas illustradas! Il 2013 avain nus acquistà la collecziun da cartas postalas probablamain la pli gronda dal Grischun. Dapi lura inventarisain nus las millis e millis cartas.

Per questa collecziun avain nus d'engraziar a Peter Wolf (1917-2011), in interprendider da transport da Cuira. Durant decennis ha el rimnà cartas illustradas da l'emprim temp dal turissem.

Sco alternativa simpla a la brev è la carta postala vegnida introducida il 1870. Ella è immediat stada fitg populara. Paucs onns pli tard ha il litograf turitgais Hans Jakob Schmid sviluppà la metoda da fotocrom. Da nov pudev'ins trametter salids da las vacanzas en las muntognas er en colur.