2019

fasch da taila da l'installaziun d'art «flüchtige behausung» da Peter Trachsel (1949‒2013)

Cuira, 2004

Sco artist è Peter Trachsel sa fatschentà intensivamain cun l'art da performance. En ses domicil Dalvazza en il Purtenz ha el fundà l'uniun «Die Hasena, Institut für (den) fliessenden Kunstverkehr». Cun ella ha el realisà projects d'art participativs en la val.

Suenter la mort prematura da l'artist ha il museum dastgà surpigliar sia vasta collecziun da textilias. Trachsel aveva rimnà onns a la lunga tailas da differentas epocas ch'el ha per part era duvrà per ses intents artistics.

Il fasch da taila exponì ha fatg part il 2004 da sia ovra «flüchtige behausung». Sco element da quella ha el repartì tschintg tendas prontas e quaranta tendas enrulladas en l'entira citad da Cuira.