2018

bul da l'organisaziun a l'exteriur NSDAP a Tavau, segirà da la polizia en il cas d'assassinat Wilhelm Gustloff

Tavau, 1932–1936

Ils 4 da favrer 1936 ha il student gidieu David Frankfurter sajettà a Tavau il naziunalsocialist tudestg Wilhelm Gustloff (naschì il 1895). Quest bul cun ina pitschna crusch giavunada è vegnì confiscà da la polizia ensemen cun ulteriurs effects da Gustloff. Il process suenter quest assassinat ha fatg chapir la publicitad co che la NSDAP era s'etablida en Svizra.

Gustloff aveva manà davent da Tavau in'organisaziun bain colliada che sustegneva a moda ideologica e finanziala la partida en Germania. El aveva derasà propaganda antidemocratica ed antisemitica.

Suenter «l'affera Gustloff» han ins scumandà en Svizra las organisaziuns a l’exteriur da la NSDAP. A la fin da la guerra han ins fatg grazia cun Frankfurter.