13 Extra Cheramica da St. Antönien A St. Antönien ha la famiglia Lötscher producì durant il 19. tschientaner vaschella da cheramica cun decoraziuns giaglias, pignas da plattinas picturadas e bischens moderns per conducts d'aua. Per il Grischun era quai il manaschi da vaschlers il pli impurtant dal temp modern. Lur lavuratori sa chattava en la fracziun dad Ascharina.Fotografia: Christian Meisser, possess privat + Plattina da pigna da Peter Lötscher, 1811. L'emprim vaschler da questa famiglia ha picturà la pigna da plattinas da sia atgna chasa cun motivs d'ina revista da moda franzosa e l'ha munida cun atgnas poesias.Fotografia: Museum retic + Utensil da scriver, enturn 1810. Dals Lötschers èn enconuschents ils recipients concepids cun fantasia per utensils da scriver. Quest model dad Andreas Lötscher posseda ultra da quai in portauras da giaglioffa.Fotografia: Museum retic + Bigl da paraid, enturn 1807. En chasadas bainstantas eran plazzads tals «lavors» da zin en il buffet da la stanza da mangiar, cur ch'i na deva anc betg aua currenta en las chasas. Là pudevan ins lavar ils mauns. Cun ses bigl da paraid da cheramica ha la famiglia Lötscher creà ina varianta purila favuraivla da quest recipient.Fotografia: Museum retic + Christian Lötscher (1821–1880) è stà il vaschler il pli talentà, il pli innovativ e cun il pli grond success da la famiglia. El ha engrondì marcantamain la vaschlaria ed ha ultra da quai er surpiglià blers uffizis publics.Fotografia: Museum retic + Plattina d'ina pigna da plattinas, enturn 1850. A St. Antönien ha Christian Lötscher introducì la decoraziun da schablona che spargnava temp. Questa tecnica aveva el emprendì d'enconuscher durant ses emprendissadi al Lai da Turitg.Fotografia: Museum retic + Fermabrevs cun la figura d'in liun da Christian Lötscher, enturn 1850.Fotografia: Museum retic + Rosetta da palantschieu sura da terracotga, 1852. Christian Lötscher ha er creà chaussas spezialas or d'arschiglia: Las rosettas da palantschieu sura vegnivan per il solit entagliadas or da lain. Questa rosetta da terracotga ha el producì per sia atgna chasa d'abitar e l'ha illustrada – losch da sia professiun – cun l'iseglia dal vaschler.Fotografia: Museum retic + Bischen per in conduct d'aua, enturn 1860. Tals bischens producivan ils Lötschers cun ina pressa da bischens ed als furnivan en l'entir Partenz.Fotografia: Museum retic + Ascharina suenter l'aua gronda da 1910. L'onn 1898 ha la vaschlaria stuì succumber a la concurrenza d'ordaifer. Andreas Lötscher ha stuì dar si la producziun. Paucs onns pli tard ha in'aua gronda destruì definitivamain il lavuratori. Las cheramicas dals Lötschers èn daventadas svelt tocs da collecziun tschertgads.Fotografia: Museum retic +