Il mulin da munaidas a Cuira
Vista dal mulin da munaidas, enturn 1780. L'onn 1592 ha l'uvestgieu da Cuira endrizzà il «mulin da munaidas» en il Sand a l'ur da la citad veglia. Il “Mühlbach” muventava la roda-mulin per ils indrizs da batter munaidas. L'onn 1637 ha il mulin da l'uvestgieu fusiunà cun quel da la citad. L'activitad da batter munaidas è cumprovada fin l'onn 1766.Maletg: Museum retic
+
Durant ils onns 2014 fin 2015 ha il Servetsch archeologic dal Grischun perscrutà l'areal dal «mulin da munaidas».Fotografia: Servetsch archeologic dal Grischun
+
Luenteras dal mulin da munaidas a Cuira. Il metal per producir munaidas vegniva luentà en furns. Lura vegnivan las munaidas crivas (Schrötlinge) culadas ina ad ina u producidas or d'in toc culaditsch lung (Zain).Fotografia: Servetsch archeologic dal Grischun
+
Restanzas d'in toc culaditsch lung ed ina munaida criva dal mulin da munaidas da Cuira. Ils chats mussan che qua vegnivi battì munaidas cun ina maschina. Tut tenor il dumber da persunal pudevan vegnir producidas mintga di 6000 fin 14 000 munaidas pitschnas durant il 18. tschientaner.Fotografia: Servetsch archeologic dal Grischun
+
Cilinders da batter munaida cun maletgs engravads. Per batter munaidas vegniva stuschà in toc culaditsch lung tranter dus da quests cilinders che giravan. Suenter vegnivan tagliadas ora las munaidas battidas. Cun ils cilinders qua avant maun èn vegnids producids l'onn 1765 ils bluztgers da l'uvestg Johann Anton von Federspiel (1755–1777) e da la citad da Cuira.Fotografia: Museum retic
+
Bluztgers da la citad da Cuira, 1766. Ils bluztgers eran las tipicas munaidas grischunas per il commerzi en detagl. Els vegnivan producids en grondas quantitads tranter il 16. ed il 18. tschientaner.Fotografia: Museum retic
+
Bul da batter la munaida, numnà «Prägestöckli», utilisà per producir ils cotschens da la citad da Cuira. Per la moda d’imprimer, numnada «Taschenprägung», vegniva il bul da batter munaida plazzà tranter dus cilinders.Fotografia: Museum retic
+
Cotschens da la citad da Cuira, 1733. Durant il 18. tschientaner èn vegnids battids en il mulin da munaidas var 10 milliuns cotschens entaifer 50 onns.Fotografia: Museum retic
+