Cultivaziun da chastognas en Bregaglia
Guaud da chastagners («castagneto») en la Val Bregaglia. Dapi tschientaners èn las chastognas ina basa da nutriment impurtanta en il Grischun dal sid. Ils guauds da chastagners valan oz sco patrimoni cultural da gronda valur per l'ecologia e per la cuntrada.Fotografia: Bregaglia Engiadina Turissem
+
Racolta da chastognas a Castasegna. L'atun crodan ils fritgs madirs en lur paletscha spinusa per terra e vegnan rimnads. Ina planta po purtar 50 fin 100 kg fritga.Fotografia: Max Weiss
+
Chastognas en la padella da maruns. L'atun vegnan celebradas en blers lieus festas da chastognas, nua che chastognas e products da chastognas vegnan vendids e mangiads en differentas furmas, tranter auter er las chastognas brassadas, ils maruns.Fotografia: Bregaglia Engiadina Turissem
+
Setgentarias (cascine) en la Val Bregaglia. Las chastognas racoltadas vegnan setgentadas en chasinas spezialas e conservadas uschia per las tegnair en salv u per las elavurar vinavant.Fotografia: Bregaglia Engiadina Turissem
+
Batter chastognas a Castasegna. Cun batter las chastognas en satgs da stoffa vegnan las chastognas setgentadas deliberadas da lur paletschas.Fotografia: Max Weiss
+
Squassar en il «vonn». Per allontanar ils ultims rests da las paletschas vegnan las chastognas squassadas en chanasters spezials.Fotografia: Max Weiss
+
Crivlar. Las chastognas setgentadas vegnan crivladas. Ussa pon ins far farina cun ellas. Cun questa farina vegnan producids paun e pastas.Fotografia: Max Weiss
+