12 Extra

Daners e carriera: Ils impressaris da guerra

Paul von Buol (1634‒1697). Sco descendent d'ina famiglia pussanta en la politica, è el entrà l'onn 1669 en servetsch spagnol, nua ch'el è avanzà al colonel. Ultra da quai ha el occupà numerus posts impurtants. 1675 ha el construì sia residenza privata, la «Chasa sin il santeri», en la quala sa chatta oz il Museum retic. Noss purtret al mussa sco um da 60 onns en armadira.Maletg: Museum retic +
Ils figls da las famiglias patrizianas grischunas profitavan bain d'avantatgs da carriera considerabels en servetschs esters . Ma la fatschenta cun la guerra era privlusa er per els. Franz Thomas von Buol (1733‒1758), il biadi da Paul von Buol, ha servì sco chapitani en il regiment von Sprecher en servetsch austriac. El è crudà en la battaglia da Hochkirch, en la vegliadetgna da 25 onns.Maletg: Museum retic +
Ulysses von Salis (1594‒1674) era il cumandant da la partida veneziana-franzosa en las Trais Lias. Suenter avair cumenzà en servetsch franzos è el daventà a partir da l'onn 1616 chapitani per Venezia e suenter sergent-maior en l'armada dad Ernst von Mansfeld. A partir da l'onn 1624 è el returnà en servetsch franzos, nua ch'el ha manà sco colonel in agen regiment grischun a partir da l'onn 1631.Maletg: Museum retic +
Thomas Franz von Schauenstein (1684‒1742) è stà colonel en servetsch austriac e possessur d'in regiment. Per ses merits ha el survegnì il titel da cont da l'imperatur Carl VI. El abitava en il chastè da Rehanau.Maletg: Museum retic +
Johann Luzius von Planta (1742–1804) ha servì davent da l'onn 1781 sco litinent colonel en il regiment svizzer ollandais Schmid, ch'el ha bandunà 1797 sco maior. Sco tal gudagnava el circa 24 giadas dapli ch'in simpel schuldà. Ils ultims onns da sia vita ha el passentà en il chastè da Haldenstein.Maletg: Museum retic +
Alois Hirschbühl (1883–1950) en sia unifurma da gala per uffiziers da la Guardia svizra papala a Roma, ca. 1935. Il Grischun ha cumandà la Guardia svizra da 1921 fin 1935.Funtauna: Archiv da la Claustra da Nossadunnaun, KAE, platta da vaider 04722 +