1905

schluppet cun marca da Gian Marchet Colani (1772‒1837)

Puntraschigna, ca. 1835

Sin la channa dal schluppet è engravà «Giann Colany». La marca renviescha al ferrer d'armas che ha producì il schluppet. Gia cun 19 onns era Colani il meglier tiradur da l'Engiadina. Sia reputaziun sco chatschadur era legendara: el duai avair sajettà plirs urs e var 2700 chamutschs. Ma el n'è betg stà mo chatschadur, mabain er ustier, pur e guid da muntogna. L'onn 1835 duai el esser stà sin il Piz Palü.

Ses contemporans al admiravan e temevan. Ins scheva perfin ch'el haja assassinà in concurrent da chatscha. Pervia da questa disfamaziun è Colani daventà il model per la figura principala dal roman «Der König der Bernina» (1900) da Jakob Christoph Heer.