Sent, senza data

La collecziun dal Museum retic cumpiglia 34 rodas da filar da differents tips. Las rodas da filar eran indispensablas per las lavurs manualas che las dunnas faschevan l'enviern savens da cuminanza en las «stivas da filar». Or da launa, chonv e glin devi ils fils per tailas e vestgadira.

Tar questa roda cun pedal che stat sidretg fascheva la roda da schlantsch ir l'ala, en la quala il fil vegniva vieut e plegà sin il spol. En la lantscha laterala fitgav'ins la rocca cun las fibras ch'eran da filar. Bunas filunzas eran tschertgadas, pertge «chi chi fila nousch fil, fa nouscha taila» di in proverbi da l'Engiadina.