Zernez, 1831

Da chaschuns spezialas cuvriv'ins il sientamauns da mintgadi che pendeva en stiva sper il lavandin cun in bel «sientamauns da parada». Noss exponat è in exempel caracteristic, ornà cun il pitg da crusch che valeva sco tipic per il Grischun.

Quest sientamauns è ina da passa 400 textilias da la collecziun da l'antiquar Valentin Sutter da Samedan ch'il museum ha pudì cumprar il 1931. Sutter aveva ramassà lavurs retgamadas e tessidas da quatter tschientaners surtut da l'Engiadina Bassa e da la Val Müstair. La selecziun regiunala ch'el ha fatg ha influenzà la percepziun da retgams grischuns fin il temp dad oz.