1938

«brev da rocca», regal da Johan Barandun ad Anna Hänni da Versomi

Veulden, 1829

Brevs da rocca ornavan fin la mesadad dal 19avel tschientaner ils faschs da fibras da chonv e da glin anc betg filadas vi da la rocca da lantscha. Cun ils bindels pudev’ins enfaschar la rauba da filar. Savens han scrivants cun in dun spezial per la calligrafia survegnì l’incumbensa da decorar talas strivlas da palpiri sco regals d’amur.

Questa brev da rocca dissegnada e malegiada cun tusch è stà in regal da Johan Barandun a la «dunschella Anna Hänni» da Versomi. In rom d’elements da plantas e rombus circumdescha il fegl. A l'intern dal rom ves’ins vasas e cors cun rosas, tulipanas ed ivas stilisadas.