Turitg, 1939

La «Landi 39» a Turitg ha durà dals 6 da matg fin ils 29 d'october 1939. Durant quel temp ha era cumenzà la Segunda Guerra mundiala. Perquai è la «Landi 39» era daventada in simbol da la defensiun naziunala spiertala. Quai reflectescha la formulaziun da quest document: l'exposiziun haja «sveglià e francà en l'entir pievel il spiert da cuminanza, l'amur per la patria e la confidenza naziunala».

Il Museum retic è sa participà a l'Exposiziun naziunala svizra cun costums, elements architectonics, utensils agriculs ed in pèr objects archeologics. Ed er il cot da la tur-baselgia da Tumein è vegnì exponì là (cf. object 1906).