Londra, 1708

Questa gravura d'arom ha Johann Melchior Füssli creà il 1708 tenor ina skizza da Johann Jacob Scheuchzer. Ella mussa il chastè da Reziòlta sur Seglias che vegn descrit sco ruina gia en il 15avel tschientaner. La ruina trona sur la Viamala sper ina via ch'era pli baud da gronda impurtanza per il commerzi sur las Alps. Enconuschenta è la ditga dal chavalier Cuno, l'ultim chastellan da Reziòlta, ch'è siglì cun ses chaval en las profunditads.

Nossa collecziun cumpiglia passa 13'000 vistas topograficas da tut las regiuns dal Grischun. Ellas èn fitg popularas tar las visitadras ed ils visitaders ed èn consultablas via il catalog online sin la pagina-web dal museum.