Grischun, 19avel tschientaner

En las baselgias catolicas chalan ils zains da tutgar suenter la Sontga Tschaina la Gievgia sontga fin la celebraziun da la levada en memoria a la passiun ed al silenzi da la fossa da Cristus. La legenda di ch'ils zains sgolian a Roma per survegnir la benedicziun papala.

Durant quest temp remplazzan en baininqual lieu las sgaras dal Venderdi sontg ils zains. Ellas resunan en il clutger u cloman durant il til tras il vitg al servetsch divin. Noss model cumenza a clapragnar grazia ad in martè da lain che pitga l'aissa sin omaduas varts. Dapi ils onns 1950 pratitgesch'ins l'usit ecclesiastic da las sgaras dal Venderdi sontg en il Grischun adina pli pauc.