Farschno, cumenzament dal 20avel tschientaner

En quest banc da scola emprendevan ils uffants pli baud da leger, scriver bel, far quints, urar u chantar. En il Grischun è l'obligaziun generala d'ir a scola vegnida introducida il 1859. Ma igl ha durà plirs decennis fin ch'ella è vegnida realisada cumplainamain. Gist en la champagna vegniva l'instrucziun frequentada savens mo irregularmain, damai che blers uffants stuevan gidar sin il bain puril da lur geniturs. Cunzunt l'educaziun scolastica da las mattatschas è vegnida tralaschada ditg.

En general aveva la scola lieu mo l'enviern e savens en classas cun uffants da tut las vegliadetgnas. En blers vitgs stuevan las scolaras ed ils scolars purtar mintga di in toc lain per stgaudar la stanza da scola.