Tusaun, fin dal 19avel tschientaner

Illuminava questa glisch ina gia il vestibul da l'hotel «Viamala» u la chombra da bigliard en l'hotel «Posta»? Ils dus hotels ils pli gronds da Tusaun beneventavan en il 19avel tschientaner giasts solvents. Glisch electrica tutgava tar il luxus d'ina chasa da qualitad, dapi che Johannes Badrutt aveva illuminà l'onn 1878 sco emprim ses hotel «Kulm» a San Murezzan cun electricitad.

Tusaun n'era betg ina da las destinaziuns turisticas prosperantas sco San Murezzan. Tuttina ha il vitg pudì s'etablir sco lieu da fermada impurtant suenter la renovaziun da las vias sur il Pass dal Spleia ed il Pass dal San Bernardino il 1823. I valeva numnadamain sco malsanadaivel d'absolver il viadi sur ils pass cun sias differenzas d'autezza senza s'acclimatisar plaun a plaun.