Farschno, enturn il 1900

«Schuppa spagnola» era il 16avel e 17avel tschientaner in plat unì popular da charn, verduras e buglion en la Germania dal Sid ed en la Svizra dal Nordost. La spaisa era adattada per il decurs da la dumengia e pussibilitava er a la fantschella dad ir a messa. La schuppa spagnola vegniva cuschinada oravant e messa en ina cuppa da bronz sur la fuaina u en la pigna da plattinas. Durant coier – quai ch'era ina lunga procedura – sortiva la vapur or d'ina fora en il manetsch dal viertgel.

La schuppa deriva da la Spagna, nua ch'ella vegniva numnada olla podrida. Davent da là ha ella chattà la via sco Olio-Suppe a Vienna, sco pot-pourri en Frantscha e sco schuppa spagnola en Svizra.