Cuira, 1870–1891

Cun gronda exactezza ha Dietrich Jecklin documentà ils objects dal museum cun dissegns da tusch. El era s'occupà gia dapi onns da l'istorgia, da l'etnologia e cunzunt dals chastels dal Grischun. Privat ha el però gì difficultads finanzialas ed è vegnì mess sut curatella. Il 1886 ha el stuì acceptar la plazza da pedel en il Museum retic, nua che ses frar pli giuven Fritz (1863‒1927) lavurava sco conservatur.

Ses dissegns dattan perditga da las emprimas stentas d'inventarisar la collecziun. Jecklin sustegneva ses frar che ha cumpilà per incumbensa da la Regenza per l'emprima giada in catalog da l'entir inventari.