2008

chascha da brevs da la PTT

Cuira, suenter l'onn 1948

L'onn 1849 ha la Confederaziun surpiglià l'entira economia da posta. Enfin là eran servetschs chantunals, regiunals e privats stads responsabels per la posta. Grazia a l'introducziun da las marcas postalas federalas èsi reussì d'unifitgar ils custs en il sectur da las taxas da spediziun. Las furmas e colurs da las emprimas chaschas da brevs eran anc individualas.

Il 1920 èn la telefonia e la telegrafia vegnidas reunidas cun la posta. L'autoritad sa numnava ussa «PTT» (posta, telefon, telegraf). Dapi l'onn 1939 è la colur melna il segn caracteristic da La Posta Svizra. Suenter las charrotschas da posta ed ils autos da posta eran uss er las chaschas da brevs melnas.