chantun da Berna, 1950–1960

La vaschella exponida regorda ad in trist chapitel da l'istorgia svizra. Enfin la mesadad dal 20avel tschientaner engaschav'ins e malduvrav'ins uffants da famiglias basegnusas sco forzas da lavur bunmartgadas senza nagina protecziun legala: sco pasturs si d'alp, sco Schuobacheclers sin manaschis purils en la Germania dal Sid u sco «spazzacamini» en l'Italia dal Nord.

Questa vaschella ha accumpagnà Ruedi, in mattatsch plazzà, tras sia uffanza. Dapi ch'el aveva trais onns, ha el stuì lavurar en passa 30 lieus giu la Bassa. El ha subì violenza, maldiever e negligientscha. In emprendissadi n'ha el mai dastgà far. Sco um creschì è el ì a star en ina val muntagnarda periferica en il Grischun.