Cuira, 2. mesadad dal 19avel tschientaner

Cun sia plantascha da tubac a Sumatra – che fascheva da lez temp part da l'India Orientala Ollandaisa – era Charles Müller-Hähl (1864-1929) da Schaffusa vegnì ritg. Ensemen cun il chemicher Carl Georg Bernard (cf. object 2016) ha el fundà il 1893 a Cuira la fabrica da tschigulatta «Chocolat Grison».

L'onn 1903 ha Müller-Hähl dà l'incumbensa da construir la «Villa Sumatra» en in parc da 6000 m² betg lunsch davent da la staziun da Cuira. El ha concepì ella en il stil represchentativ da la bourgeoisia da quel temp. A la villa appartegneva era quest pèr da vasas da Satsuma che han survegnì lur num da la regiun en il sid dal Giapun. A la fin dal 19avel tschientaner è questa cheramica asiatica stada fitg dumandada.