17 – Posiziun dal object

Demunis sin l'alp?

3. plaun

17

Demunis sin l'alp?

Poppa-sdratsch, «sennatuntschi», Calanca/Masciadon, senza data
17

Poppa-sdratsch, «sennatuntschi», Calanca/Masciadon, senza data

L'onn 1978 è noss object exponì vegnì chattà sin in'acla en la Val Calanca: La figura da lain, per part enzugliada cun in sdratsch e colurada cun colur brina, ha la grondezza d'ina poppa da termagl. Ils chavels d'uman sin ses chau, sias cleras caracteristicas sexualas e sia mimica cun la bucca averta na correspundan dentant betg ad ina poppa da termagl. Quai tut regorda a la figura mitica anguschanta da la sennatuntschi. En questa istorgia zambregian ils signuns sin l'alp ina figura feminina per la dar vita e per la violar. A la fin fa la sennatuntschi vendetga mortala da ses creaturs.

Ils motivs da la sennatuntschi u d'autras ditgas alpinas na derivan betg dal temp preistoric, mabain sa basan sin tradiziuns litteraras. Lur ragischs èn per part en il temp medieval. Ellas èn dentant vegnidas registradas cunzunt durant il 19avel e 20avel tschientaner. La vita da mintgadi da las abitantas e dals abitants da las alps, lur lavur, lur conflicts, lur temas, lur desideris, lur miseria e lur speranzas furman la basa per questas istorgias. Savens raquintan ellas d'inscunters cun creatiras surnatiralas sco spierts, strias u diavels. I sa tracta dal bun e dal mal, dal gist e dal tort, da la culpa e da la paina. La gronda part da las ditgas ha ina fin disfortunada ed in caracter fermamain moral-cristian ed instructiv.

Ihr Browser unterstützt kein HTML5 Audio.