05 – Posiziun dal object

In nov Dieu e novs regents

plaun sut

05

In nov Dieu e novs regents

Tremissis da Carl il Grond, probablamain 773
05

Tremissis da Carl il Grond, probablamain 773

Cur che lavurants han siglientà la primavaira 1904 in bloc da grip per construir la via vers Glion, han els chattà – en ina sfessa – in stgazi cun munaidas d'aur e d'argient sco er cun cliniez. Svelt èsi stà cler che quai stoppia esser in chat dal tuttafatg extraordinari or dal temp medieval tempriv. La cumposiziun dal stgazi cun munaidas da gronds territoris da l'Europa e schizunt da l'Africa dal nord mussa, quant extendidas che las relaziuns economicas eran da quel temp. La munaida d'aur da Cuira, ch'è exponida qua, è l'object magnific da quest stgazi: I sa tracta da la munaida la pli veglia ch'è vegnida producida en il Grischun. Ella è battida en num da l'imperatur Carl il Grond.

Suenter ch'ils Romans eran puspè sa retratgs da la Rezia il 5avel tschientaner, è creschida l'influenza or dal nord francon. Edifizis sacrals temprivs mussan che la cretta cristiana sa derasava qua. Cuira aveva in uvestg, ch'è derivà durant 300 onns mintgamai or da la schlattaina dominanta en Currezia: ils Zaccons e Victorids.

Ihr Browser unterstützt kein HTML5 Audio.