Cuira, mez dal 19avel tschientaner

La saira dals 16 da december 1859 hai ars en l'arsenal chantunal a Cuira. Ils pumpiers han pudì salvar intgins chars per transportar pulvra da sajettar e singuls tocs d'artigliaria avant che l'edifizi è sballunà e brischà cumplettamain entaifer paucas uras. La gronda part da las armas e da las unifurmas è vegnida destruida.

L'incendi ha difficultà als fundaturs dal museum d'installar lur collecziun da militarias. Ella cuntegna fin oz mo paucs objects temprivs. Dapi l'onn da fundaziun fan dentant part da la collecziun quests buttuns d'unifurma e questas parts da buis. Ils relicts chattads en las restanzas da l'incendi regordan al fieu en l'arsenal.