07 Extra La refurmaziun a Cuira Preschentaziun (1939) da Johannes Comander sin il portal sid dal Grossmünster da Turitg. Johannes Dorfmann (1484‒1557), numnà Comander, derivava da Maiavilla. Durant ses studi da teologia a Basilea ha el emprendì d’enconuscher il refurmatur turitgais da pli tard Huldrych Zwingli, cun il qual el è restà en stretg contact fin a sia mort.Fotografia: Museum retic + L'onn 1523 è Comander daventà plevon en la baselgia da Son Martin a Cuira. Qua, en vischinanza directa da la curt catolica, ha el pregià la nova cretta refurmada.Fotografia: Museum retic + Frontispizi dals «Pleds finals» da Comander a Glion da l'onn 1526. Comander è sa participà sco oratur principal a las disputaziuns da religiun da Glion. El ha redigì per quai 18 tesas che sa basavan sin las publicaziuns da Zwingli. Sin quai è vegnida concludida la libra tscherna da la confessiun per las vischnancas grischunas. Uschia è la cretta refurmada s'etablida sper la cardientscha catolica. Cuira ha midà l'onn 1527 a la refurmaziun (per tudestg).Maletg: Bayerische Staatsbibliothek Minca, 4 H.ref. 648, p. 5, urn:nbn:de:bvb:12-bsb10160760-1 +