04 Extra

Suenter la conquista dal territori alpin han ils Romans purtà lur cultura en il Grischun dad oz. Bains da consum ch'eran nunenconuschents fin lura han chattà la via vers nord ed han influenzà da lura davent la moda da viver almain da las classas superiuras. Engiavinais Vus, tgenina da la suandanta rauba che nus avain d’engraziar als Romans?

04 Extra

Correct. Magiels na dastgavan betg mancar sin la maisa romana nobla. Ultra da magiels producivan ils Romans er caraffas, buttigliettas, cliniez e schizunt vaiders per fanestras. En il Grischun han ins chattà fossas dal temp roman, a las qualas eran vegnids agiuntads flacuns, cuppinas da vaider e magiels.

Dissegn: Museum retic

04 Extra

Correct. Il vin appartegneva a la rauba romana d'import la pli tschertgada. Ils Romans purtavan il vin or da l'entir territori da la Mar mediterrana en il nord. Tras lur conquistas è er la viticultura sa derasada en grondas parts da l'Europa. Normalmain bavevan ils Romans il vin maschadà cun aua.

Dissegn: Museum retic

04 Extra

Fauss. Cheramica vegniva producida en il territori alpin gia dapi il temp neolitic. Ils Romans han dentant importà er lur cheramica cotschna caracteristica, la terra sigillata. Quella vegniva producida milliuns giadas en grondas manufacturas, p.ex. en l'Italia, en la Frantscha u en la Germania dad oz. Lura vegniva ella vendida en l'entir Imperi Roman.

Dissegn: Museum retic

04 Extra

Correct. A Cuira han ins chattà crosas d'austras dal temp roman. Quai fa surstar en vista a las lungas vias da transport davent da la mar fin en il Grischun. Ils Romans eran dentant buns da transportar austras vivas u conservadas sur lungs trajects en amforas cun aua da sal.

Dissegn: Museum retic

04 Extra

Correct. L'ieli d'ulivas era fitg apprezià en la cuschina romana e vegniva producì en grond stil en il territori da la Mar mediterrana. Uschia era l'ieli d'ulivas apprezià er sco product d'import. Sa prestar l'ieli d'ulivas pudeva dentant mo la glieud bainstanta. La gronda part da la glieud cuschinava cun sunscha.

Dissegn: Museum retic

04 Extra

Fauss. Las tomatas derivan da l'America. En l'Europa èn ellas arrivadas pir a partir dal 16. tschientaner. L'emprim èn ellas sa derasadas sco plantas decorativas, pir pli tard sco victualias. Igl ha durà fin tard en il 18. tschientaner, fin ch'ins mangiava en il mintgadi pasta cun sosa da tomatas en l'Italia.

Dissegn: Museum retic

04 Extra

Correct. Grazia als Romans han ins empruvà per l'emprima giada persics en il Grischun dad oz. Perditga da quai dattan minzs da persics che archeologs han chattà. Avant creschivan persichers mo al sid da las Alps. Durant il temp dals Romans è la pumicultura sa sviluppada en l'entir Imperi.

Dissegn: Museum retic

04 Extra

Fauss. Gia durant il temp da bronz era l'ambra che derivava da la Mar dal Ost ina martganzia preziusa. Quai cumprovan differents chats en il Grischun. Er per ils Romans era l'ambra in material da luxus apprezià. Cun ambra producivan els cliniez, amulets u vaschs.

Dissegn: Museum retic